USA-p sakkutuuisa imarsiortut nunatsinnukartussamut umiarsuarmik attartornissamut periarfissat misissorsimagai

USA-p nakorsaqarnermi tapersiinissamut pilersaarutinut atatillugu umiarsuup oqallisaangaatsiartup, USNS Mercyp saniatigut umiarsuarmik allamik nunatsinnukartitsinissamut periarfissat misissorsimavai.

Allattoq Connie Fontain

maajip 04-at 2026 14:25

USA-p umiarsuup napparsimmaviusup nunatsinnukartinniarlugu ukioq manna siusinnerusukkut nalunaarutigaa.

Isumassarsiaq tamanna Jørgen Boassenimit aallaaveqarpoq, tamatumalu kingunitsianngua umiarsuup USNS Mercy Issittup tungaanukartinneqarnissaa oqaluuserineqalerpoq.

Præsidentillu nunatsinnut immikkut aallartitaata, Jess Landryp nunatsinni sumiiffinnut avinngarusimasunut peqqinnissamik isumassuinissaq 'sukataarutiginiarlugu', KNR-imut siusinnerusukkut oqaatigaa.

USA-p tassunga atatillugu umiarsuarmik allamik inunnut 300-nut inissaqartitsisumik Nuummukartitsinissamut periarfissat aamma misissorsimagai KNR-ip maanna oqaatigisinnaavaa.

Umiarsuaq attartugaq

USA-mi naalakkersuisut nittartagaanni Sam.gov-imi 'contract opportunity'-mik tassa isumaqatigiissuteqarnissamut periarfissamik februaarip 26-anni saqqummiussisoqarpoq.

USA-mi illersornissamut ministereqarfimmut imaatigut assartuinermik suliaqartup, Military Sealift Command Norfolkip umiarsuit ilaasartaatit namminersortut 'niuernermik misissuinertut' taasaminut ujartorpai.

Umiarsuaq ikinnerpaamik 300-nik ilaasoqarsinnaanermi saniatigut Nuummut angalassaaq, USA-llu umiarsuaq ulluni 30-ni attartussallugu.

Umiarsuaq tamatuma saniatigut qulimiguulimmik assartuiffiusinnaassaaq.

Akissutit arlallit

KNR-ip Military Sealift Command Norfolk oqaaseqartinniarlugu saaffigaa.

Sakkutuut imarsiortuinut oqartussaasut Amerikamiut illersornissamut ministereqarfiannit Kalaallit Nunaannut nakorsaqarnikkut tapersiissuteqartoqarnissaanik kissaateqartoqarneranut atatillugu kaammattuuteqartoqarnerata kingunerisaanik 'niuernermik misissuisoqarnera' uppernarsarpaa.

Aamma atuarukDonald Trumpip immikkut aallartitaa umiarsuaq napparsimmavik pillugu immikkut apersorneqartoq

Taakku tamanna KNR-imut allakkatigut akissummi paasissutissiissutigaat.

- Military Sealift Commandip piumasaqaat pissarsiarimmagu umiarsuarmi napparsimmavimmi sulisunik Kalaallit Nunaanni sulisussanik najugaqartoqassanersoq, imaluunniit umiarsuaq napparsimmavittut atorneqassanersoq ersarinngimmat tamanna ersarinngilaq: Umiarsuarli inunnik ikinnerpaamik 300-nik najugaqarfiusinnaassallunilu neriffiusinnaassasoq pingaarnertut piumasaqaataavoq.

Military Sealift Commandip saaffiginnissummut arlalinnik akissuteqarfigineqarsimallutik 'pisariaqartitsinerli atorunnaarmat' suliaq annerusumik malinnaaffigineqaqqissimanngitsoq, akissummi tassani aamma paasissutissiissutigaa.

Military Sealift Commandimit akissut tamakkiisoq takuuk

Amerikamiut naalakkersuisuisa nakorsaqarnikkut taperseerusunnerat pissutigalugu Sorsunnermut ministereqarfiup niuernikkut umiarsuarmik Kalaallit Nunaannukartinneqarsinnaasumik noqqaassuteqarnera pissutigalugu ujartuisoqarpoq. Military Sealift Commandip piumasaqaat pissarsiarimmagu umiarsuarmi napparsimmavimmi sulisunik Kalaallit Nunaanni sulisussanik najugaqartoqassanersoq, imaluunniit umiarsuaq napparsimmavittut atorneqassanersoq ersarinngimmat tamanna ersarinngilaq: Umiarsuarli inunnik ikinnerpaamik 300-nik najugaqarfiusinnaassallunilu neriffiusinnaassasoq pingaarnertut piumasaqaataavoq.

Naak akissutit arlallit pissarsiarineqaraluartut pisariaqartitsisoqarunnaarnera pissutigalugu tamanna malitseqartinneqanngilaq.

Allisiguk

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.