USA-p præsidentia skoorsuarnik miloriarneqarpoq
Irakimi illoqarfiit pingaarnersaanni kamippaat silaannakkoortut aviisit saqqaanniipput, nutaarsiassaqartitsiviillu tusagassiortoq USA-p præsidentianut skuuminik illugiinnik kinguleriissiinnarlugit miloriaraluartoq nutaarsiassaataasa pingaarnersaraat. Bagdadimilu pissussilersornera aalassatsitseqaaq, innuttaasut ilaasa ajorinngikkaat ilaasa ajorigaat.
-Isumaqarpunga Bush skuunik milluutigineqartunit amerlanernik eqqorneqarsimasariaqaraluartoq. Kiap-una maanga qaaqqusimagaa, irakimiu oqarpoq. Allat præsidentip tungaanut skuunik milloorneq ataqqinninngitsuliaanerarpaat.
- Pisariaqanngilaq illersorneqarsinnaananilu. Pissusilersornipalaavoq, Bagdadimi angut alla inuusunneq oqarpoq.
Qanorluunniillu tusagassiortup iliornera assigiinngitsigisunik isummerfigineqaraluartoq, tusaamasanngornera qularutissaanngilaq. Internetikkummi nittartakkami Facebook-imi nuannarinnittorpassuit quppernernik pilersitsiortorput. Bush Afghanistanimut ullumi ingerlaqqippoq.
Tusagassiortoq Muntazer al-Zaidi politiinit tigummigallarneqartoq sulisitsisuata Irakimi tv-eqarfiup Al-Baghdadia-p iperagaaqquaa.
- Iperagaaqquarput amerikamiut oqartussai irakimi innuttaasut neriorsoreermatigit, demokrati aamma killiligaanani oqarsinnaatitaaneq atuutilersissallugu, tv-eqarfik kaammattuivoq.