USA-p Mexico-p Canadallu siuttui naapipput

Ataatsimiinnerisa nalaani, Mexicomiut sakkutuui politiivilu arlallit Mexicop kitaaniittumi Guadalajara-mi, ulluni marlunni nakkutilliisuussapput.

Præsident Obamap naapeqatigissavai Mexicop præsidentia Felipe Calderon aamma Canadap premierministeria Stephen Harper.

Angutit taakku pingasut innuttaraat 450 millionit, eqqartugassaallu ikigisassaanngillat. Aningaasaqarnerup ullutsinni ilungersunartorsiorfiunera, puulukit nualluutaat silallu pissusaata allanngoriartornerata kingunerluutai eqqartugassaannut ilaapput.

Mexicomi aamma politikkikkut najummassimanartorsiorneq eqqartorneqassaaq. Ullummi tamangajaasa ikiaroornartulerisut sumiiffinni arlalinni nakuusernerat tusarsaajuarpoq, pisartullu USA-mi Canadamilu aamma kalluinerat tusarsaaleriartuinnarluni.

Mexicomi ikiaroornartulerisut akiorniarlugit sakkutuut 40.000-t sulisinneqarput.