USA-p kongressiani ilaasortani 17-it akerliunermi tigusaasut
USA-mi Washingtonimiittumi eqqartuussiviit qullersaqarfiata silataani naartuersissinnaaneq pillugu akerliussutsimik takutitsisoqarnerani politikerit tamat oqartussaanerat pillugu kongressimi ilaasortat 17-it tigusarineqarsimasut, USA-mi politiinit avammut tusarliunneqarsimasoq nutaarsiassaqartitsivik ritzau allappoq.
Taakkununngalu tigusanut ilaapput kongresimi ilaasortat nuimasut ilaat Alexandria Ocasio-Cortez aammalu Ilhan Omar.
Politiit ilisimatitsipput, akerliussutsimik takutitsisorpassuit biilinik angallanneq matusimagaat, tigusarineqannginnerminnilu pingasunik mianersoqqussutinik oqarfigineqarsimagaluartut.
- Inuit tattoqisaatitsisut, assersuisut paaminnartumillu pissusilersortut 35-t tigusaraagut, politiit oqarput.
AAMMA ATUARUK Biden naartuissinneq pillugu: - Eqqartuussiviit qullersaat ”nakkutilliisinnaanngitsoq”
Tigusarineqartunit 17-it Kongressimi ilaasortaasut, politiit aamma oqaatigaat.
Sapaatip-akunnerini pingasuni akerliussutsimik takutitsisoqarpoq, taamani USA-mi eqqartuussiviit qullersaata aalajangermaguli 1973-mili naartuersissinnaatitaaneq USA-mi statit ilaanni allangortinneqassasoq.
Kongressimi ilaasortat ilaat Carolyn Maloney akerliussutsimik takutitsinermi tigusanut ilaavoq, taannalu oqaaseqarnermini ima oqarpoq:
- Arnaq timini pillugu oqaasissaarutsinneqarpat peqqissutsinilu pillugu matumani ernioqqissinnaanermi peqqissutsimut tunngatillugu aalajangiisinnaajunnaartinneqarpat tamanna tamat oqartussaaqataanerannut innarliineruvoq.