Camp Century USA-p inissisimanera soqutiginarneruvoq
Tusarniaanermi sapaatit akunneri marluk matuma siorna pisumi danskit avatangiisinut ministeriata Esben Lunde Larsenip oqaatigaa, Camp Centurymi saliinissamut Kalaallit Nunaat akisussaaqataasinnaasoq.
Tamanna isumaqatiginerlugu isumaqatiginnginnerluguluunniit Kristian Jensenip oqaatigisinnaannginnerarpaa, amerikamiulli inissisimanerat isiginiassallugu pingaarnerusoq tusagassiortunik katersortitsinermi taama oqarpoq.
Aamma atuaruk camp-centurymut-akisussaasut-suli-inissinneqanngillat
Kalaallit Nunaata akissussaaqataaneranik apeqqut isigineqarniartariaqanngitsoq isumaqarpunga.
Amerikamiut sutigut qanorlu akisussaaqataanerit siullermik misissortariaqartarput, isumaqarpunga apeqqummut tassunga tamanna soqutiginartuusoq.
- Amerikamiut sakkuutooqarfii Kalaallit Nunaanniittut Camp Centurylu immikkut pillugit inatsisitigut nalunaarutaat amerlasuut misissornissaat paasineqarnissaallu pingaaruteqarput, tamanna inatsiseqarnermut ministereqarfimmi misissorlugit aallartippagut, nunanut allanut tunngasunut ministeri Kristian Jensen oqarpoq.
Aamma atuaruk Camp Century Naalagaaffiit Peqatigiinnut suliassanngortinniarlugu nunatta sioorasaarutigigaa
- Suliap kinguarsarneqannginnissaa kikkulluunniit kissaatiginngilaat, misissuinerillu piaartumik naammassineqarnissaat kissaatigineqarpoq, Kristian Jensen oqarpoq.
Danskit nunanut alllanut tunngasunut ministeriat Kristian Jensen, nunanut allanut tunngasunut Naalakkersuisoq Vittus Qujaukitsoq peqatigalugu tusagassiortunik Nuummi katersortitsinermi taama oqarpoq.
