USA nunap toqqavilerngusaannermut ilannguppoq
Nunat immallu issittut avannarliit USA-p annertunerusumik oqartussaaffigilerusuppai. Aviisimi Berlingske Tidendemi taama allaaserinnittoqarpoq.
Allattoq Louise M. Kleemann
Amerikap avannarpasissuani nunap toqqavia ilimagisamit isorartunerusoq misissuinerit nutaat takutippaat. Tamatuma kingunerisaanik USA tamaani nunap immallu ilaanik annertunerusumik pissarserusuppoq, uuliasiornissamut aatsitassarsiornissamullu annertunerusumik periarfissaqalerusulluni.
Nunat immallu issittut avannarliit pillugit pilerisuttut tassaalerput USA, Canada, Danmark, Norge aamma Rusland.