-Tassunga killinnissaq takorloorfissaqartinngilara.

Danskit ministeriunerat Mette Frederiksen USA-mi præsidentinngortussap Donald Trumpip Floridami tusagassiortunik katersortitsinermini uissuumminartumik oqaasii pillugit, taama TV 2-mut oqarpoq.

Panamap ikerasaa aamma Kalaallit Nunaat oqartussaaffigilernissaannut aningaasaqarneq sakkutuullu pinngitsaaliissumik akuersisitsinissamut sakkugineqassasut, ippassaq Trump oqarpoq.

Aperineqarami ilumut taama iliorniarnersoq, ima imalimmik akissuteqarpoq:

-Naagga, taakku pineqartut marluk pillugit neriorsuisinnaanngilanga, kisianni aningaasaqarneq eqqarsaatigalugu Panamakanalen aamma Kalaallit Nunaat pisariaqartippagut. Trump oqarpoq.

Oqaatsini nangillugit Danmark akitsuuteqarnikkut qaffaavigalugu -Kalaallit Nunaat pillugu- akuersaartitsisoqarsinnaasoq eqqarsaasersorfiginerarpaa.

Oqaluttuarisaanermi Danmarkimi oqartussat aatsaavissuaq taama akitsuutitigut sioorasaarneqarput.

-Isumaqarpunga torersumik niueqatigiinneq ataavartinneqassasoq, TV 2-mut Mette Frederiksen oqarpoq.

Múte B. Egedemi ataasiaannarani Kalaallit Nunaat pisiassaannginnerarlugu oqarpoq.