USA-mi Sinniisuutitassaq inuttalerneqarpoq
- Nuannaarutigaara 2014-mi aningaasanut inatsimmi, Washington D.C.-mi Sinniisoqarfissamut aningaasaliisoqarmat Danmarkip aallartitaqarfiani inissisimasussamik, Naalakkersuisut siulittaasuat, Aleqa Hammond oqarpoq.
Namminersorlutik Oqartussat USA-mi sinniisussaattut atorfik ukiup nutaap aallartinnerani atuutilissaaq, taamaalilluni Inuuteq Holm Olsen 2019-p tungaanut sinniisutut atorfeqassalluni.
Inuuteq Holm Olsenip suliassaasa pingaarnersarissavai, USA-p Nunattalu niuernikkut aningaasarsiornikkullu suleqatigiinnerisa nukittorsarneqarnissaat aammattaaq aatsitassarsiorluni misileraanerni, suliffissuaqarnermi, ilinniartitaanermi, ilisimatusarnermi, kulturi aamma nunap inoqqaavi pillugit suleqatigiinnernut nukittorsaaqataanissaq suliassarissallugit.
Nunatta USA-mi sinniisuata suliassaasa ilangissvaattaaq Canadamut attaveqarnermik sullissinissaq.
Inuuteq Holm Olsen George Washington University-mi nunani assigiinngitsuni naalakkersuinikkut pissutsinut tunngasunut kandidatitut naammassinninnikuuvoq. 1996-llu kingorna Namminersornerullutik Oqartussani tamatumalu kingorna Namminersorlutik Oqartussani sulilluni. Inuuteq Holm Olsen piffissami 1999-miit 2000-imut Nunanut Allanut Ministereqarfimmut atukkiussatut sulivoq, tamatuma kingorna piffissami 2000-miit 2003 tikillugu Kalaallit Nunaata Bruxelles-imi Sinniisoqarfiani ambassadesekretær-itut sulilluni. 2003-miit Nuummi Nunanut Allanut Pisortaqarfimmi pisortaavoq.
