Tuluit isertorlutik paasianiaasartoqartigiivisa atuagaq eqqaamasalikkersaarut ullumi saqqummersimmassuk USA-mi paasiniaasartoqatigiit uparuarneqangaatsiarput.
Atuakkiortuuvoq Pakistanimi præsidenti Musharaf. Eqqaamasalikkersaarutit ukiorpassuit qaangiukkaangata saqqummiunneqarajuttarput.
Naalagaaffiit Peqatigiinni Pakistanimiut illersortai akeraalu ataatsimuuleruttortut atuakkiaq imaannaanngitsoq saqqummersinneqarpoq. Naalagaaffiit Peqatigiit qullersaat Kofi Annan saqqummersitseqataavoq.
Peqqarniiserniartartutut pasisat 369-t Pakistanimi tigusarineqareerlutik USA-mut isertortumik tunniunneqarnissaat Pakistanimi naalakkersuisunit akuerineqarsimasoq præsident Musharaf atuakkiamini allappoq. Isertortumik tigusat parnaarusivinni sumiikkaluarnersuniipput.
USA-mi illersornissamut ministerip tullersortaa, septembarip aqqarnata kingorna Pakistanip qaartartumeerneqarnissaanik siorasaarisimasoq Musharaf allappoq, taamannali siorasaarisimaneragaasup ilumuunnginnerarpaa. Pakistanimi naalakkersuisut USA-mit saassunneqarunik akeriarsinnaanatik nalunnginnamikku sioorasaarutaasimasumut tunniutiinnarsimapput. Musharaf issiaannarusulluni taama atuakkiorsimasoq, aviisi The Times naliliivoq.