USA-mi naligiissitaanissamut aningaasaatilissuaq aningaasaliisoq
USA-mi naligiissitaanerusoqarnissaa anguniarlugu inussutissarsiutinik ingerlatallip Melinda Gatesip 6,8 milliardit koruunit suliniutissanut aningaasaliivoq, dr.dk. taama allaaserisaqarpoq.
Amerikami arnat inuiaqatigiinni sunniuteqarnerunissaat angorusunneqarpoq, ilaatigut arnat suliffeqarfissuarni angisuuni siuttuusalernissaat politikikkullu tunngasunut aalajangeeqataasalernissaat anguniarneqartoq, aningaasaliisoq, Melinda Gates Time Magazinemut oqarpoq.
- Isumaqarluinnarpunga arnat periarfissagissaarlutik aningaasaliiffigineqarnerat iluaqutaassasoq, aamma inuit kattuffiillu arnat atugarisaanerunissaannik sulissuteqartunut, aningaasaliisoq oqarpoq.
Melinda Gates aningaasaliinissamut suliffeqarfimmik Pivotal Venturesimik aallarniisuuvoq Microsoftimi aqutsisuni atorfeqarsimalluni.
Melinda Gates microsoftip aallarniisua Bill Gates uigaa.