Angut taartumik amilik politiinit toqutaareersorlu Minnesotamiut aneqqusaajunnaarallartut

USA-mi naalagaaffimmi Minnesotami illoqarfimmi Minneapolisimi innuttaasut ataasinngornermi unnukkut aneqqusaajunnaarallarput.

Angut inuusuttoq taartumik amilik politiinit aallaaneqarluni sapaatiummat toqutaareersorlu, oqartussat eqqissiviilliornerit unitsinniarlugit taama aalajangiipput.

Minneapolisimi borgmesteri, Jacob Frey, ataasinngornermi taama oqarpoq.

- Minneapolisimi upalungaarsimasoqassasoq innuttaasullu tamatuma saniatigut unnukkut nalunaaqutaq arfineq-marlunniit ullaakkut nalunaaqutaq arfernup tungaanut aneqqusaajunnaarallassasut aalajangerpara, Jacob Frey taama oqartoq nutaarsiassaqartitsivik AFP allappoq.

AAMMA ATUARUK USA-mi politiit marluk akerliussutsimik takutitsisoqarnerani ikilerneqartut

Minneapolisip qanittuani illoqarfiup St. Paulip eqqaani innuttaasut aamma aneqqusaajunnaarallarput, Minnesotap immikkoortuani Hennepin County taakkununnga ilaalluni. Angut taartumik amilik, Daunte Wright, tassani aallaaneqarluni toqutaavoq.