USA-mi allannguisoqartussanngorpoq

- Tusarnaartut akornani qulartoqassappat USA tassaavoq nuna sunik tamanik periarfissalik, akissutissarsilu aamanna, Barack Obama præsidentimut qinersinermi ajugaanini qulakkereerlugu naalagaaffimmi Chicagomi qinersisartuminut 75.000-iusunut oqalugiarluni ilaatigut taamatut oqarpoq.
novembarip 05-at 2008 08:23

USA-mi allannguisoqartussanngorpoq, Barack Obama 47-inik ukiulik, USA-p oqaluttuarisaanerani taartumik amilinni siullersaalluni præsidentimut qinigaavoq.

USA-mi præsidentimut qinersisoqarnerani Danmarks Radiop allaaserisaa aallaavigalugu qinersisartut 109 milliuunit qinersiartorput. Naalagaaffinni arfineq pingasuni nalinginnaasumik præsidentimut qinersisoqartarnerani republikanerinik qinersiffiusartuni Barack Obama ajugaavoq. Barack Obama 57 milliuuninit qinerneqarpoq qineqqussaaqatiminit John McCainimit 5 milliuuninik amerlanerusunit qinerneqarluni. Ukiorpassuarni Republikanerit partiiaannik qinersiffiusartuni Barack Obama ajugaavoq.