USA: Kina Taiwanimik saassussilersaannginnerarpoq

Kina Taiwanimik ukiuni tulliuttuni saassussilersaanngitsoq, Kinap præsidentiata Xi Jinpingip pingasunngornermi oqaatigaa.

Qaffasissumik atorfilittat ilaat USA-meersoq USA-p præsidentiata Kinallu præsidentiata ataatsimeereerneranni taama ilisimatitsivoq.

- Eqqissisimasumik ataatsimut kattuteqqittoqarnissaa Kinap orniginartinnerugaa Xi Jinpingip Joe Bidenimut oqaatigaa, tamannali nakuusernikkut arlaatigut aamma anguneqarsinnaanersoq kingorna aamma oqaluuserilerlugu, nutaarsiassaqartitsivik Reuters ilaatigut allappoq.

- Kina Taiwanimik saassussilersaanngitsoq Xi Jinpingip paasinarsisinniarsaraa, USA-li tassunga atatillugu isumamminik allannguinngilaq, atorfilittaq USA-meersoq oqarpoq.

Naak Kinami naalagaaffiup inuisa imminnut sorsuunnerisa kingorna, 1949-mi soraartumi, nunat marluk taakku immikkut naalakkersuisoqarsimagaluartut, Taiwan Kinamut ilaasoq Kina isumaqarpoq.

Taiwan Kinap ilagigaa USA aamma isumaqarpoq, Kinali saassussissagaluarpat illersorniarlugu siusinnerusukkut oqaatiginikuullugu.