Bidenip Xi kisermaassisuulluni aqutsisuunerarlugu oqarnini aalajangiusimagaa

USA-p præsidentiata, Joe Bidenip, Kinap præsidentiata Xi Jinpingip kisermaassisuulluni aqutsisuunera pillugu sapaatit akunnerata massuma ingerlanerani oqarnini aalajangiusimavaa.

- Tamanna kinguneqarnaviangitsoq isumaqarpunga, Biden, tamanna pillugu tusagassiortunik Washingtonimi sisamanngornermi aperineqarami oqarpoq.

- Xi Jinpingip) siunissami naapinnissaa naatsorsuutigaara - siunissami qaninnermi, USA-p præsidentia oqarpoq.

Oqaatsini ilungersuanannginnerulersinniarnagit aalajangiusimallugu, Bidenip aamma oqaatigaa.

USA-mi præsidentimut qinersinissamut atatillugu aningaasanik marlunngornermi katersinermut atatillugu Biden Xi Jinping pillugu oqaaseqarpoq. USA-p nunanut allanut tunngasunut ministeriata, Antony Blinkenip, Xi Jinpingip Beijingimi ippassaq sisamanngornermi ataatsimeeqatigereeraalu Biden taama oqarpoq.

Blinken Kinamut USA-p Kinallu akornanni pissutsit najummassimanarpallaarunnaarsinneqarnissaat pillugu tikeraarpoq.

Kinamiut qullartaasiaasa ilaata USA-p silaannartaanut qanittukkut ingerlaalersimanera Xi Jinpingip kanngusuutigigaa, Bidenip aningaasanik Los Angelesimi katersinermi ilaatigut oqaatigaa.

- Kisermaassillutik aqutsisut susoqarnera ilisimanngikkaangamikku kanngunaannartarpoq. Qullartaasiap tassunga anngunnissaa pilersaarutaanngikkaluarpoq, Biden oqarpoq.