Kinap amerikamiut Asiamilu iligiit ikioqatigiilernerat eqqasuutigigaa

Amerikamiut filipinerit sakkutooqarfiinut ajornannginnerusumik isersinnaalernissaannik filipinerit aalajangernerat Asiamiut nuannarinngilluinnarpaat, tamannalu arlaatigut taakku akunneranni aalaakkaajunnaarnermik pilersitsivoq.

Nutaarsiassaqartitsivik Reuters naapertorlugu Kinami nunanut allanut ministeri taama oqarpoq.

USA filipinerillu ullumi sisamanngornermi isumaqatigiissutertik tamanut saqqummiuppaat, taakkumi isumaqatigiissuteqarput sakkutooqarnikkut ikioqatigiinniarlutik.

Isumaqatigiissullu ilaatigut imaqarpoq, USA-p sakkutuui filipinerit sakkutooqarfiinut arlalinnut isersinnaasassasut.

AAMMA ATUARUK Kinap sakkutuui Taiwanip nakkutigisaanut aatsaat taama amerlatigisut isaasut Taiwanimit nalunaarutigineqartoq

Nunammi taakku marluk isumaqatigiissutigaat Kinami sakkutuut amerliartuinnarnerat marluullutik alaatsinaaqatigiissutiginiarlugu. Taamatullu isumaqatigiinnermikkut akunnerminni pissutsit siornatigut najummatsisimanartarsimagaluartut nukittorsarniarpaat.

Nunat taakku marluk imminnut qaninnerulernerannut pissutaanerpaavoq, Kina qeqertarlu naalagaaffiusoq Taiwan isumaqatigiikkunnaarnerat.

Filipinerit taiwanimiullu taamaalillutik imminnut qaninnerulernerat USA-p akorpaa, sakkutuullu USA-meersut taamaallillugit filipinerit sakkutooqarfiiniitissinnaalerneqarput, akerlianik Taiwan Kinalu imminnut isumaqatigiikkunnaariartuinnartut.