Amerikamiut Keflavikkimi ukiuni 65-ini sakkutooqarfigisimasartik Islandimiunut pisortatigoortumik ullumi utertitsippaat.
Keflavikki sorsunnersuit appaata sorsunnerullu nillertumik taaneqartartup nalaani Amerikamiunut qitiusumik atuuffeqarsimavoq, Sovjetunioniusimasorli
atorunnaarmat atorfissaarukkiartorsimalluni.
Keflavikkimi sakkutooqarfik matugaluartoq USA-p Islandimut illersuiuarnissaanik Amerikamiut Islandimiullu isumaqatigiissuteqarput.
Isumaqatigiissutip imai isertuunneqarput, tamannalu pillugu Islandimi naalakkersuisunut illua`tungiliuttut isorinnikkaluartut, isumaqatigiissut naammagisimaarini Islandimi ministeriuneq Geir Haarde oqarpoq.