USA issittoq pillugu aallartitassaminik toqqaavoq

Amerikamiut nunanut allanut ministeriata John Kerryp Alaskami senatorimut Mark Begichimut allagaani tamanna atuarneqarsinnaavoq. Alaskami senatorit marluusut, Mark Begichip Lisa Murkowskillu, amerikamiut issittoq pillugu aallartitaqalernissaat qangali piumasaqaatigisimavaat.

Senator Begichip John Kerrymit sapaatit-akunnera kingulleq allagarsiani tamanut saqqummiussimavaI.

John Kerry allappoq issittup soqutigineqaleriartuinnarnerani issittullu pingaaruteqassusaa eqqarsaatigalugu issittoq amerikamiut nunanut allanut ministeriaqarfiani annertunerusumik sammineqartariaqalersoq, tamannalu anguniarlugu immikkut aallartitamik toqqaanikkut anguneqarsinnaasoq.

John Kerry aamma allappoq atorfik suli inuttalerneqarsimanngitsoq, nunanulli allanut politikkimik immikkut piginnaasalimmik ataqqisaasumillu aammalu issittoq pillugu immikkut ilisimasalimmik toqqaasoqarumaartoq.