USA Iranimut saassussinialersaarsoraat

USA-p Iranimut silaannakkut saassussinialersaarnera Iranimiut atomiutaanut taamaallaat saassussinerussanngilaq aammattaarli sakkutooqarfiit Iranimiullu sakkutuui tapunniarneqartut, tuluit tusagassiorfiisa tusarliuppaat.

Saassussinermilu qitiutinneqartussaasimavoq sakkutooqarfiit saassunneqarnissaat.

USA-miilli oqaatigineqarpoq namminneq Iranimut saassussinissamik pilersaaruteqaratik, taamaallaalli Iranimiut sakkunut atugassanik Uraniliornerujussuannik inerterniarlugillusooq iliuuseqarniarlutik.

Tusarfiilli tutsuiginartut BBC-mut oqaatigaat, USA isertorluni Iranimut saassusseqattaarnissaminik pilersaartoq.

BBC-p isumannaallisaanermut politikkimut suleqataa Frank Gardner oqarsimanerarneqarpoq USA-p taama pilersaarnera pinartumik aallarniissutaasinnaasoq, akerliuanittaaq Iranip atomimik sakkuliornertik miserratigaa

Amerikamiut silaannakkut Iranimut saassussilersaarnerat Frank Gardnerip nassuiaanera naapertorlugu Amerikamiut sakkutoorpassuisa Irakimiittut toqunerannik kinguneqartumik sakkortoorujussuarmik kinguneqarsinnaavoq.