USA Cubalu oqaloqatigeeqqittalerput
Naalakkersuinikkut isumaqatigiinngikkaluaqalutik mingutsitsineq qanimut oqaloqatigiissutigilerpaat.
Uuliasioqatigiit BP-p qillerivissuanit uulia aniasoq amerikap sineriaata ilaani maanna Floridap avatinnguaniittoq Cubamut anngutingajalerpoq.
Amerikami nunanut allanut ministereqarfiup oqaaseqartitaa oqarpoq, allakkanik Cubap naalakkersuisuinut kommunistiusunut Havanamiittunut tunniussaqareerlutik.
- Uuliaarluerneq pillugu killiffinnik oqaluttuuttuarpagut ilisimatitsisarnivullu ingerlatiinnassallugit, oqarpoq.
Amerikami oqartussat maanna aarleqqutigilerpaat Florida kujammut nuggissimanernga Key West uuliaarluernermit mingutsinneqarnissaminut ulorianartorsiortoq. Key West Cubamut ungasinngilaq.