USA aappaagu atsioqataassagunavippoq
USA-p nutaamik præsidentertaartussaanerata kiisami silaannaap mingutsinneqarneranut USA iliuuseqaqataasinnaanngussasoq arlallit isumaqalersikkai, DR allaaserinnippoq.
Avatangiisinik ingasattajaarlutik illersuiniat soorlu Greenpeacep amerikami tapersersortai isumalluarnerulersimarpasipput.
- Kiisami iliuuseqaqqusilluta ukiuni 20-ni kingullerni oqariartuutivut tusaaneqalissagunarput, Greenpeace-p ilisimatusarnermi pisortaa Curt Davies oqarpoq.
Præsidentissaq Barack Obama nammineq peqataanani præsidentinngorniuteqataasimasorli senator John Kerry ataatsimeersuarnermi Poznanimi Polenimi pisumi peqataatippaa, taassumalu oqariartuutigaa sila pillugu Københavnimi aappaagu ataatsimeersuarnissami USA-p isumaqatigiissusiornissamut atsioqataanissaa ilimanartoq.