Urani sumi tamaani nassaassaavoq
Narsap eqqaaniittut qaqqat Kuannersuit uraneqarfissuartut taakkartorneqartuarput. Taqqavaniinnarli uraneqanngilaq, Nunatta Qeqqani, Avannaani Tunumilu urani nassaassaavoq.
Allattoq Louise M. Kleemann
- Nunarput uraneqarfiuvoq, taamaattumik uranisiorusukkaanni periarfissagissaartorujussuuvoq. Ujaqqani naliginnaasuni urani uuttorneqarsinnaavoq, taamaattumik aatsitassanik qalluinermi uranip annerpaaffissaa politikerit isummerfigisariaqarpaat, NunaMineralsip pisortaa Ole Christiansen oqarpoq.