Uppik qasusuilluni nuliarsartoq
Uppik Tunup avannaani uumasuusoq, ukiut tamaasa Skotlandimut nuliarsariartorluni timmisartoq, ukiut qulingiluassaanni suli kiserliortuarsinnarpoq.
Allattoq Louise M. Kleemann
Uppik, Skotlandimi pinngortitamik illersuinianit Elvisimik atserneqarsimasoq, Tunup avannaani 2001-imi maajip qaammataani inunngorsimassangatinneqarpoq, ukiullu marluk qaangiunneranni kinguaassiorsinnaalerami, Skotlandimut nuliarsariartalersimalluni.
Elvis ukiormanna februaarip aqqarngarni Isle of Lewisimut tikissimasoq, pinngortitamik illersuiniat ilaata Martin Scottip, Skotlandimiut tv-annut oqaluttuaraa.
Taassuma Elvisip qasusueqaluni ukiut tamaasa nuliarsaraluarnera malinnaavigisimavaa.
- Qasusuinnera nersualaarnanngitsuunngilaq, neriuppunga ukiormanna kiisami iluatsitsiumaartoq, Martin Scott oqarpoq.