Islandip Universitetianiit misissueqqissaartut paasisaat naapertorlugit, Islandimiorpassuit narsat orpiillu inuinik taaneqartartut, aliortukkallu allat upperaat.
- Eqqumiitsut tupinnartullu piviusuusinnaanerat, soorlu siulittuutit, aliortukkat, narsat orpiillu inui, Islandimiut inuiannut allanut naleqqiullutik ammaffigineruaat, inuiaat qanga ileqquinut oqaluttuaannullu ilisimatooq, Terry Gunnell, misissuinermi pisortaasoq Iceland Review-mut oqarpoq.
Islandimiut apersorneqartut inuit quliugaangata sisamat aliortugaqarsinnaanera assortorusunngilaat, marluk aliortugaqarnera ilimagilluinnarpaat, 13 procentiisalu aliortukkat upperilluinnarpaat. Apersorneqartut 23 procentiinnaasa aliortukkat upperinngilaat.
Nunatsinni assingusumik misissuisoqarnikuunngilaq. Kisianni aliortukkanik oqaluttuat nunatsinni nuannarineqaqisut ilisimavarput.