Upernavimmiut imermik qalatitsikatapput

Naarlunneq aamma innaallagissamut akiligassat qaffannerat, tassaapput Upernavimmiut ukiumi ataasinngulersumi nipaallutik atugaat, tamannalu innuttaasut ilaata qatsulluinnarpaa.
marsip 22-at 2010 10:35

Upernaviup innaallagissiorfia nunguuilluni siorna maajimi ikuallappoq, tamassumalu kingunerisaanik imeq bakteriaqalermat innuttaasut imeq imigassartik qalaqqaartariaqalerpaat, taamaakkaluartoq inuit suli nasseriuarput innaallagissamullu akiliinerulernerat allanngunngitsoq, Jensigne Blytmann oqarpoq.

- Ukioq kingullerminngaaniit imerput bakteriaqaannarmat innuttaasullu oqaloqattaaginnartut tusaaginnarsinnaannginnakkit qisuariarfigivara, Jensigne Blytmann oqarpoq.

Upernavimmi innuttaasut imermik atuinerat Nuummi innuttaasut imermik atuinerannut naleqqiullugu marloriaat sinnerlugu akisuneruvoq.

- Assersuutigalugu Nuummi imeq 1000 literi 13 koruunit missaani akeqarpoq, kisianni Upernavimmi 1000 literi 36 koruuningajannik akeqarpooq, Jensigne Blytmann oqarpoq.

Nukissiorfinni avammut tusagassiisartoq Louise Johansson tallimanngormat Nunarput ullumimut oqarpoq imermik misissugassamik marsip 18-ani nassiussillutik, ullorpaaluilli aatsaat qaangiuppata imeq ajunnginnersoq akissutisisinnaassallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq