Upernavimmiuaqqat kaasarfimmiussinneqartut

Odense Upernavimmi Prinsesse Margrethep atuarfiaaniit atuartunit ukiut pingajussaat tulleriissiinnarlugu tikeraarneqarpoq. Tikilluaqqussutitut meeqqat tamarmik aningaasanik kaasarfimmiussaminnik 300 koruuninik, suliniaqatigiiffimmiit Project Inuk-mit, kalaallit meerartaannik tapersersuinissamik siunertaqartumiit, tunineqarput.
Allattoq Gedion Storch
septembarip 20-at 2011 09:04

Meeqqat sapaatip-akunneri pingasut tikeraarsimareerlutik tallimanngorpat angerlassapput. Taakku ilaqutariinni qallunaani Odensemilu atuarfinni assigiinngitsuni najuqarsimapput.

Vitttus Kalia suliniaqatigiiffimmut siulittaasuuvoq. Taassuma oqaluttuaraa, ukiut sisamassaat tulleriiginnarlugit ukiut tamaasa 50.000 koruuninik katersisarlutik. Aningaasat kalaallit meerartaannut atorneqartussatut aalajangersugaareertarput.

Upernavik suliniuteqarfimmiit Project Inuk-miit aningaasaliiffigineqartussatut ukioq-manna eqqarsaataareersimavoq.

- Meeqqat immikkut ittumik kaasarfimmiussinneqarnertik nuannaarutigilluinnarpaat, Vittus Kalia oqarpoq.

Ilinniartitsisoq Abigael Lennert, meeqqanullu angajoqqaajusut ilaat, Rebekka Joensen, angalanermi peqataapput.  

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq