Upernavimmi imeq bakteeriaqalerpoq
Upernavimmi innuttaasut imeq atortinnagu qalateqqaartariaqarpaat. Upernaviup illoqarfiani imeq bakteeriaqarpallaalersimasoq imeqarfimmi aggustip ulluisa 28-anni imermik misissugassamik tigusisoqarmat paasineqarpoq.
Allattoq Najaaraq Egede
septembarip 06-at 2008 12:46
Upernavimmi qeqertamiittumi Nukissiorfiit imeqarfimmik bakteeriaajaaneq ippassaq tallimanngornermi aallartippaat. Tamatuma kingorna imermik misissugassamik tigusisoqaqqissaaq.
Misissuinerit inerneri kingusinnerpaamik arfininngorpat septembarip ulluisa 13-ianni naammassissapput. Inernerit naammassineqarnissaasa tungaanut Upernavimmi innuttaasut kaammattorneqarput imermik imigassaminnik qalaasseqqaartaqqullugit.
Inernerit naammasseriarpata qalatitsisarneq pisariaarutissanersoq imaluunnit qalatitsiuarallartoqassanersoq Uumasut Nakorsaqarnerisigut Immikkoortortaqarfiup paasissutissiissutigissavaa, taama Namminersornerullutik Oqartussat nittartakkaminni nalunaarput.
