Upernaviarsuup eqqaani angallat ikuallappoq
Inuinnaat angallataat Upernaviarsuup eqqaani ikuallappoq. Angallami ilaasut tallimat tamarmik angallammut allamut ikereerput.
Allattoq Noah Mølgaard
Qaqortumi politii nalunaaqutaq 13.52 kalerrinneqarput angallat nuannaariut Upernaviarsuup eqqaani ikuallattorujussuaq.
- Angallammiittut tamarmik angallamut allamut ikereerput qujanartumillu inunnik ajoqusertoqanngilaq, Qaqortumi politiit pisortaat Bent Ole Kleist KNR-imut oqarpoq.
Qatserisartut politiillu sukkasuuliamik Upernaviarsuup eqqaanukarasuarput.
- Ilisimatinneqarpugut angallat ikuallattorujussuusoq, Bent Ole Kleist oqarpoq.