Assiliartalersugaq: Upernaakkut ataatsimiinneq paasisaqarfigiuk
Inatsisartut upernaakkut ataatsimiinnerat aallartereerpoq, uani ilaatigut paasisaqarfigisinnaavatit partiit aammalu aalajangiiffigisassatut inatsisissatullu siunnersuutit ukioq manna qassit suliarineqassanersut.
Allattoq Andreas Wille
Inatsisartut upernaat tamaasa ataatsimiittarput, ukioq manna aalajangiiffigisassatut inatsisissatullu siunnersuutit 101-it suliarissavaat, ukiuni kingullerni upernaakkut ataatsimiittarnerni aatsaat taama amerlatigipput.
Ilaatigut oqaluuserineqassapput Innarluutilinnut inatsit, imigassaq pillugu inatsit aammalu peqquserlunnermut akiuiniarnissamut inatsit.