Upalungaarsimaneq pitsanngorsarneqartariaqarpoq
Umiarsuarsuit takornarniartaatit assartuussuillu Kalaallit Nunatta imartaanut Issittullu imartaanut allanut tikittartut amerliartuinnarnerat Kangilinnguani sakkutooqarfiup malinnaaffigiuminaatsimmagu taama mianersoqqusisoqarpoq.
-Umiarsuarsuit tikittartut amerliartuinnavissappata, uagullu malinnaasinnaanngikkutta, Titanic-ip ajunaarnersuatut ittumik ullut arlaanni pisoqariaannaassaaq, Henrik B. Kudsk naliliivoq.
Taanna isumaqarpoq, timmisartunik ukioq naallugu isumaginninnissaq, umiarsuartullu Knud Rasmussenitut ittumik aasaanerani immikkut umiarsuaqartarnissaq Kangilinnguani sakkutooqarfiup pisariaqartikkaa.
-Alapernaarsuisarnerput pisariaqaqisoq taamaalilluta ingerlatiinnarsinnaavarput, ajutoortoqassagaluarpallu ataqatigiissaarisinnaalissagaluarpugut, Henrik B. Kudsk oqarpoq.