UNR arfanniaqqusivoq

Nunani Avannarlerni Inuusuttut siunnersuisoqatigiivisa – UNR-ip – sapaatip-akunnerata naanerani ataatsimiinnerminni Nunani Avannarlermiut arfanniaqqittalernissaat kajumissaarutigaat.

- Immami pisuussutit ilisimatusarfigineqarneranni paasineqareerpoq tikaagulliit amerlassusaat Nunani Avannarlerni ukiut 100-t matuma siornagut aningaasarsiutigalugu arfanniarnerup aallartinngikkallarneratulli maanna tikaagulleqartigisoq, isumaqatigiissutitut avammut nalunaarummi taama allattoqarpoq.

UNR-imit erseqqissarneqarpoq arfanniarneq piujuaannartitsinissaq tunngavigalugu ingerlanneqartariaqartoq, piniariaatsillu toqutsigasuarnermik aallaaveqarluni periaatsinillu ilisimasaqarluartunit ingerlanneqartariaqartoq.

UNR-ip ataatsimiinnerani arfanniartalernissaq pillugu siunnersuut oqallisigineqarnerpaavoq, ataatsimeeqataasullu partiinut nunanullu assigiinngitsunut agguataarsimaneq apeqqutaatinnagu marlunngorlutik avissimapput.

Nunani Avannarlerni Inuusuttut siunnersuisoqatigiiffiannut ilaasortaapput Nunani Avannarlerni inuusuttut politikkikkut suliniaqatigiiffii.

Ukiormanna ataatsimeeqatigiinnermi inuusuttut naalakkersuinermik soqutigisallit, partiinit tamaneersut Nunanit Avannarlerneersut 60-it peqataapput.