Unnukkut toqqaannartumik sapaatit akunnerit pingasut radioaviiseqartassanngitsoq

Radioavisi ullumi sisamanngornermiit unnukkut toqqaannaartumik aallaakaatitsisarunnaarallassaaq.

Sapaatit akunnerini tulliuttuni pingasuugallaartuni unnukkut radioavisit ualinerani immiunneqarsimasassapput.

Allannguineq sivisuumik sulisukinnermik peqquteqarpoq.

KNR-ip radioavisia kalaallisut oqaluttunik sulisussarsiornera sivisuumik iluatitsiviunngilaq.

Tamanna radioavisip sapaatit akunnerannut naammattunik ilanngutassiorsinnaanngikkallarneranik kinguneqaannarani aamma sillimasuusussat ikippallaarnerannik kinguneqartut KNR-ip nutaarsiasssaqartitssiviaani pisortaq Alice Sørensen oqarpoq.

- Massakkut ima ikitsigileerpugut, ullormut suliffiup nalinginnaasup iluani sulisinnaasut suliarisinnaasaat kisiisa naammassisinnaagaallarlutigit, taanna oqarpoq.

Unnukkut radioavisip immiuttalerallarneri ilanngutassianik suliaqartussat amerlinerannik kinguneqassasoq taanna oqarpoq.

Radioavisi tusagassiortunik kalaallisut oqaluttunik arfineq marlunnik sulisoqartussatut naatsorsuussaavoq. Maannali sisamanik amigaateqarpoq.

Tassalu tamatuma kinguneraa assersuutigalugu napparsimasoqartillugu ilanngutasssiortussamik sulisussaqarneq ajormat.

Aammali asersuutigalugu Karrani 20217-mi tassaarsuaqarneranisut ajutoortoqaratarnissaanut upalungaarsimanermut tamanna sunniuteqarpoq.

Uummannap Sulluani qaqqap 2017-mi juunimi sisoorneratigut tassaarsuaqarpoq.

Nuungatsiaq llorsuillu malissuarnit ulinneqarmata inuit 70-it missaanniittut qimarngunneqarput, inuillu sisamat ajunaarput.

Taamaalimmat radioavisi nuna tamakkerlugu upalunaarssimanermi pilersaarummi ilaasutut unnuami tassani ataatsip missaaniit aallartittumik 16-eriarluni immikkut ittunik aallakaatitsivoq, tusagassiortunik arlalinnik unnuakkut immikkut suliartoqqusinermik nassataqartumik. Immikkut iliuutsit sulisut arlallit ulluni allani sulinngiffeqarneranik maalitseqarpoq.

Radioavisilu upalungaarsimanermi pisussaaffimminik naammassinnisinnaajuarumalluni ulluinnarni naammasisartakkaminik ikililerigallartoq, nutaassiassaqartitsinermi pisortaq oqarpoq.

Unnukkulli radioavisit immiussaallutik aallakaatinnneqartarallarnissaat taamanik sullissisussaatitaanermut kalluaassanngitsut, Alice Sørensen neriorsuivoq.

- Kisianni ugguuna kalluaasinnaavoq, radioaavisip aallakaatiliivinnerani pisut kingulliit imaaliallaannarluta ilanngusssinnaanaaviannginnatsigit, kissianni malilersueqqisssaartassalluta; una pisoq imailaanngutariaqartigivarput, radioavisi toqqaannartumik aallakaatittariaqarlutigu, KNR-ip nutaarsiassaqartisiviani pisortaq oqarpoq.

Radioavisip tusagassiortui qallunaatut oqaluttut ataatsimik nutamik sulisoqalernikkut amerlassutsimikkut naammatseqqammerput, suleqatitaarlu radioavisimi suleriaatsinik sungiusareeriarpat sillimassusatut amerlassusaat naaammalissapput.