Unnuk Kulturisiorfik illoqarfinni assigiinngitsuni unnugu malunnartinneqasaaq
Unnuk manna illoqarfinni assigiinngitsuni Unnuk kulturisiorfik malunnartinneqassaaq. Unnuk kulturisiorfimmi assigiinngitsunik pisoqartitsisoqassaaq, assersuutigisinnaavarput suliffeqarfiit assigiinngitsut suliffitsik pillugit paasititsiniaassallutik.
Allattoq Thomas Munk Veirum
Taamatullu taasinnaavarput ilaatigut Nuummi nunatsinni nukittunerpaatut imminut oqaatigisinnaarusuttut nukkassartarfimmut fitness.gl-mukarsinnaasut, Ilulissani politeeqarfik takornarniarneqarsinnaassaaq, Qaqortumi umiarsuaq alapernaarsuut Triton pulaarneqarsinnaalluni.
Unnuk manna pisussarpassuit annertunerusumik paasisaqarfigerusukkukkit nittartakkamut kulturnat.gl-imut iserlutit takusarsinnaavatit.