KNR Unnuaru radiomik aallakaatitsineq kipineqalaassaaq
Unnuaru radiomi aallakaatitsineq akunnerup ataatsip marlulluunniit missaanni kipineqassaaq. Teknikkikkut atortut, Telemut radiokkut aallakaatitanik ingerlatitseqqiisartup, pitsanngorsarneranik tamanna peqquteqarpoq.
![](/sites/default/files/styles/image_934x467/public/article_images/radio_03.jpg?itok=34e8BUgw)
Allattoq Paasissutissat KNR / KNR Info
Teknikikkut atortunik nutarterinerup nalaani KNR-imit Telemut radiokkut aallakaatitat ingerlaqqissinnaassanngillat, KNR Radiolu taamaalilluni FM-ikkut, internittikkut TV-kkulluunniit tusaaneqarsinnaassanani.
Qassinorpiaq radiokkut aallakaatitsineq kipineqassanersoq ilisimaneqanngilaq, unnuap qeqqatali ullakkullu nalunaaqutaq arferngup akornanni aallakaatitsineq kipineqarallarumaarpoq.