AWG2016: Unnuaq naallugu timmisartuussisoqassaaq

Ukiuunerani unammiuaarnerit suliluunniit aallartinngitsut, AWG2016-imik aaqqissuisut silarlunneranik unammillerneqarput.

Taamaammallu AWG-imi unammeqataasussat Nuummut tikisinnissaat pillugu pilersaarutit pingajuat malillugu sulisoqalerpoq.

- Pingajussaanik pilersaarummik nutaamik suliaqarpugut”, Maliina Abelsen, AWG2016-imi pisortaq oqarpoq.

AWG-mi aaqqissuisut neriuutigigaluarpaat Nuummut timmisartuussinerit ualeq nal. pingasunut aallartinneqassasut. Timmisartuussinerillu kinguartinneqarmata tikittussat siulliit aatsaat arfininngorneq unnukkut aqqanermut tikissapput. Unnuaanullu timmisartuussisoqassalluni timmisartuussinissap kingulliup tungaanut tassa sapaat unnukkut nal. arfineq pingasut qeqqata tungaanut.

Aamma atuaruk AWG2016 Timmisartuussinissat kinguartinneqarput

- Pilersaarutit malillugit anoraaruppoq, ajoraluartumilli aporaaffiup illua tungaani apingaatsiarpoq. Tamanna isumaqarpoq timmisartut qangattarsinnaanerannut missinnaanerannulu ersinnerlupallaartoq, taamattumik timmisartuussinissat akunnernik arfineq pingasunik kinguarput, Niels Chemnitz Frederiksen, Air Greenlandimi angallannissamut pisortaq oqarpoq.

AWG-imi unamminissami peqataasussat kajumissusertit atorlugu sulisunit isumagineqartut, Maliina Abelsenip oqaatigaa.

Aamma atuaruk AWG2016 Kajumissutsiminnik suleqataasut anorersuaraluartoq ikiuupput

-  Kangerlussuarmi kajumissutsiminnik suleqataasunik tunniusimasunik sulilluartunillu peqarpugut, taakani ulapittut suna tamaat taakani iluatsinnissaanut. Taakani qiimasorujussuusut tusarparput. Kisianni soorunami pilersaarutit malillugit ammaanersiornissamut tikissimanissaat kissaatigigaluarparput”, Maliina Abelsen oqarpoq.

Nalunaarutigineqareersutullu aqagu sapaat unnukkut nal. arfineq pingasunut Inussivimmi ammaanersiortoqassaaq. 

Aamma atuaruk AWG2016 Namminneq kajumissutsiminnik sulisut kaammattorneqarput