Nunatta kitaani saattuarniarnerup unitsikkallarneqarnera atuukkaluartoq, arlallit unneqqarippallaarunanngillat.
Paamiuni nakkutilliissutip AGPA-p uani sapaatip-akunnerani unioqqutitsisumik saattuarniartoqarneranik siumuisarsimapput.
Nakkutilliisunit siumorneqartarsimapput immami puttaqutit – pullatinut kalunnilerneqarsimasut.
Oqaatigineqarporlu katillugit pullatit 78-t amuarneqarsimasut – pullatit 78-iusut akornanni aqqaneq-marluk angallatip aqqanik ilisarnaasigaasimapput.
Pullatit neqitsersugaanngillat – Kangilinnguanili sakkutooqarfiup nittartagaa naapertorlugu, nakkutilliisunit siumorneqanngilaarnerini neqitsersugaasimanersut ilisimaneqanngilaq.
Oqaatigineqarpoq katillugit saattuat 189-t pisarineqarsimagaluartut – taakkuli tamarmik avalatsinneqaqqissimapput – taamalu unioqqutitsillutik pullataatillit Paamiuni politiinut tunniunneqarsimasut Kangilinnguani sakkutooqarfik ilisimatitsivoq.
Taamaakkaluartorli ullumi ulloq septembarip 15-iat saattuarniarnerup unitsikkallarneqarneranut ulloq kingulliuvoq.