Unicef nunatsinniilissaaq

Immikkoortortaqalernissaanik suliniuteqartuupput borgmester Asii Chemnitz Narup, IMAK-ip siulittaasua Sivso Dorph, kiisalu inatsisileritooq Ken Nyborg. Meeqqanut Nunarsuarmi sumiikkaluartunulluunniit Kalaallit Nunarput aamma ikiuuteqataassasoq suliniaqatigiit isumaqarput.

Meeqqat tamarmik ilinniartinneqarnissaminnik pisinnaatitaaffeqarput. Ilisimasaqarluarneq paasinninnerulernermik inuiaallu akornanni ataqqeqatigiinnermik tunngavisseeqataasarpoq, suliniaqatigiit tusagassiutinut nalunaaruteqarnerminni taama ilaatigut allapput.

Meeqqat Nunarsuatsinni navianartorsiortut inuunerminni toqqissisimanartumik peqqinnartumillu atugaqarnissaat, minguitsumik imeqarnissaat, eqqiluisaarnikkut atugassarititaasut pitsaanerunissaat, atuarnissaat, peruttagaasannginnissaat, atornerluinermut AIDS-imullu illersugaanissaat UNICEF-ip suliniutigaa.

UNICEF-ip immikkoortortassaanik suliniaqatigiiffimmik pilersitsiniarluni ullumi nalunaaqutaq tallimanut Nuummi Katuami ataatsimiittoqarsaaq.

UNICEF-ip Danmarkimi allattaanera Sten Andersen peqataallunilu UNICEF-ip suliai pillugit saqqummiissaaq.