Unicef: Nunat pisuut akornanni akiuussutissanik pisiortorpallaarnaveersaartoqassaaq
![](/sites/default/files/styles/image_934x467/public/article_images/20210506-140928-l-1920x1280we.jpg?itok=BXR32Uir)
Coronamut akiuussutissiinissanut naleqaqisunut tunngatillugu, pisiortorpallaarnissaq inuiaqatigiinnilu kisermaassiniarnissaq nunat pisuut akornanni pinaveersaartinneqartariaqartoq UNICEF-imiit oqarput.
Naalagaaffiit Peqatigiit meeqqanut suliniaqatigiiffiata UNICEF-ip Danmarkimi immikkoortortap qullersaat, Karen Hækkerup isumaqarpoq.
- Nunat taakku akiuussusersuiffinnut arlalinnut inniminniisinnaapput, atorfissaqartitatillu sinnerlugit periarfissaqarlutik, nunanut allanut akiuussutissanik pisisinnaanngitsunut agguaassinissaminnut pikkorinnerusariaqarput, taanna oqarpoq.
Nunarsuaq tamakkerlugu maannamut inuit 1,4 milliardit missaat covid-19-imut akiuussuserneqarsimalerput.
AAMMA ATUARUK WHO & UNICEF-iluna nalunaarusiami nutaami: Meeqqat toqusarnerat 40 procentimik qaffassinnaavoq
Nunat pisuut taakku innutaasui 16 procentiinnaagaluartut, akiuussutissiorfinni akiuussutissat 44 procentiinik pisinikuupput.
Taakkununnga kisitsisinut sanillersuutissagaanni nunat piitsuunerpaanut 29-nut akiuussutissat 0,3 procentiinnaat tunniunneqarnikuullutik. Tamannalu kingunerluuteqarsinnaasoq suliniaqatigiiffik naliliivoq, suliniaqatigiiffik taanna nunarsuaq tamakkerlugu meeqqanut ikiuiniartartuuvoq.
Nunat pisuut G7-nik taaneqartartut nunanut pissakinnerusunut akiuussutissanik 150 millioninik amerlatigisunik ajornaquteqanngitsumik tunniussisinnaagaluartut, suliniaqatigiiffik UNICEF-imeersut naliliipput.