Meeqqammi nunarsuaq tamakkerlugu 115 milionit nappaatinut assigiinngitsunut akiuussutissanik pingaarutilinnik kapineqarsimanngillat. Meeqqallu 100 millioningajaat piitsunngorsimallutik, amerlasuullu naammattunik nerisassaqarnatik.Assi: Filipe Moreira/Flickr Creative Commons

WHO & UNICEF-iluna nalunaarusiami nutaami: Meeqqat toqusarnerat 40 procentimik qaffassinnaavoq

Coronavirusip Afrikap avannarpasissortaani Kangia Qiterlermilu tuniluunnera pissutaalluni meeqqat toqusarnerat 40 procentinik qaffariaateqarsinnaavoq, meeqqallu allat 50.000-t aamma toqusinnaapput.

Naalagaaffiit Peqatigiit meeqqanut suliniaqatigiiffiata UNICEF-ip Danmarkimi immikkoortortaa tusagassiutinut taama allaaserisaqarpoq.

- Meeqqat coronap ajornartoortitsinerani aamma eqqugaaqaat, meeqqallu toqujaartarnerat pinngitsoortinniarlugu ukiuni qulikkaani amerlasuuni sukataaruteqarnitta ajalusoorsinnaaneranik kinguneqaratarsinnaavoq, Karen Hækkerup, UNICEf Danmarkip qullersaa oqarpoq, nangillunilu:

- Alianartulli suli pinngitsoortinneqarsinnaammat nuannaarutissaavoq. Afrikalli avannaani Kangia Qiterlermilu peqqinnissaqarfiit Covid-19-imit ajornartorsiortinneqarput. Piaarnerpaamik iliuuseqartoqartariaqarpoq.

- Pissutsit Danmarkimi pitsanngoriartorput, nunanili assigiinngitsuni suli ajornartorsiortoqaqaaq. Tassani ikiuussinnaavugut, meeqqammi inuunerat pineqarpoq, Karen Hækkerup oqarpoq.

Meeqqat Afrikap avannaani Kangia Qiterlermilu ukiup affaata ingerlanerani 150.000-t Coronavirusip tuniluutilinnginnerani toqusarput, meeqqallu suli tallimmiisimanngitsut toqusartut 51.000-inik maanna amerlisinnaallutik.

Taama pisoqassappat Covid-19-ip tuniluutilinnginneranut naleqqiullugu toqusut 40 procentinik amerlissapput.

Meeqqat millionit sinnerlugit pingaarutilinnik kapineqanngitsut

Nunarsuarmi meeqqat amerlasuut coronap nunarsuaq tamakkerlugu ajornartoortitsineranit eqqorneqangaatsiarsimapput. Meeqqammi nunarsuaq tamakkerlugu 115 milionit nappaatinut assigiinngitsunut akiuussutissanik pingaarutilinnik kapineqarsimanngillat. Meeqqallu 100 millioningajaat piitsunngorsimallutik, amerlasuullu naammattunik nerisassaqarnatik.

UNICEF-ip coronap ajornartoortitsinerata nalaani tamanna pillugu Naalagaaffiit Peqatigiit peqqissuunissaq pillugu suleqatigiiffiat WHO suleqatigalugu, Naalagaaffiit Peqatigiit upalungaarsimasuutitaat siuttuuffigivai, meeqqallu milionilikkaat imermik minguitsumik pilersorneqarlutillu qaqorsaateqarnissaat sulissutigalugu, nerisassaqartillugillu atuariartorsinnaanissaat aamma isumagalugu.

- Iliuuseqarsinnaavugut - iliuuseqartoqartariaqarporlu. Nunani ataasiakkaanit tusakkakka ilaatigut alianarsinnaapput, isumalluarpungali, meeqqammi amerlasoorpassuit ikioratsigit, Karen Hækkerup oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat