Ungasissumiit atuartitsineq akisuujuvoq

TV qarasaasiarlugu atorlugit ungasissumut atuartitsinerit pimoorullugit atorneqalernissaannut piffissaq suli sivisussaaq. Nunaqarfinni atuartut atuartinneqarnerisa pitsanngoriartinneqarnissaat anguniarlugu ungasissumit atuartitsisinnaaneq periarfissatut eqqaaneqartarpoq, aningaasalli akimmisaarfiupput.

Atortut akisuallaarnerat kisimi pineqanngilaq, qarasaasiakkulli atuinerup aqqutaata akisuallaanerussua akimmisaarutaaqataavoq. Maannakkut nunatsinni Uummannap kommunea kisiartaalluni nunaqarfinni atuartut ungasissoq atorlugu atuartitsinermik misiliivoq, Inerisaavimmi qaraasiaqarneq pillugu sullivimmi ATTAT-mi pisortaq Ole Frederiksen oqarpoq.

Video-mut atortut pisiarinissaannut

kommunimut aningaasartuutaasorujussuussaaq, ingammik nunaqarfeqqortutillugu. Taakkuinnaalluunniit anigaasartuutaasorujussuupput, aammali atortorissaarutit atorneqarnerisa akiat annertuvoq, Ole Frederiksen oqarpoq.

Ole Frederiksen-ip neriuutigaa, Uummannap kommuneata ungasissoq atorlugu atuartitsinermik misiliinera ineriartortitsinerulissasoq.