Ungasissuliarneq ajornannginnerulissaaq
Ruslandip USA-llu akornanni attaveqatigiinnerit ulluni makkunani ajornartorsiorfiupput, taamaakkaluartoq
Alaskami inuppiaat Ruslandimilu qeqertaasami Tjukterimi nunap inoqqaavisa attaveqatigiinnerat pitsaanerulersimavoq.
Alaskami inuppiaat Tjukterimilu nunap inoqqaavi amerlasuut ilaqutariipput. Ikerasaap akunnikinnersaani qeqertat marluk Diomede mikineq anginerlu 5 kilometerisut ungasitsigipput
Taamaakkaluartoq qeqertat taakkua arlaannannulluunniit tikeraarniaraanni nunarsuaq kaajallaqqaarlugu tikinneqartariaqartarput.
Ungasissumut angalaneq
Piffissap ilaani qeqertat taakkua marluk akornanni toqqaannartumik timmisartumik tikinneqarsinnaasimapput. Taamakkaluartoq nunarsuaq kaajallaqqaarlugu tikinneqarsinnaasarlutik. Tassalu Moskva, Europa, Amerika avannarleq naggataatigullu Alaska aqqusaarlugu tikinneqarsinnaasarlutik.
Timmisartumik ingerlaarneq akunnernik 30-nik sivisutigisoq atorneqartariaqartarpoq, naak nalunaaquttap akunnera ataaseq affarlu atorlugit angalasoqarsinnaagaluartoq.
Aviisip Washington Postip allaaserisaa naapertorlugu nunat taakkua marluk akornannut ingerlaartarnerit sivikinnerulissapput akikinnerulerlutillu.
Ruslandimi Tjukterit Alaskami inuppiaat maanna visa atunngikkaluarlugu angalasinnaapput, ilaquttatillu tikeraarlugit.
Angalaneq maannakkut 1000 koruuninik akikinnerulissaaq.
