Ungarnimiut tuusintilikkuutaat suiaaqatigiittarnermut inatsisissatut siunnersuut akerlerigaat
Ungarnimi oqartussaasut naliliinerat naapertorlugu suiaaqatinik ilaqartarnerup saqqumivallaarunnaartinneqarnissaanut kinguaassiuutillu allanngortinneqartarnerannut inerteqquteqalernissamut, Ungarnimi inatsisissatut siunnersuut akerleralugu, Ungarnip illoqarfiit pingaarnersaanni, Budapestimi inuit tusintilikkaat akerliussutsimik takutitsipput.
Inatsisissatut siunnersuut inatsisartuni malunngornermi aalajangiiffigineqarnisaa naatsorsutigineqarpoq.
Ungarnimi illuatungiliuttut partiivi amerlanerit taasinermi peqataanianngillat.
AAMMA ATUARUK Ungarnimi suiaaqatiminoortut meeravissiartaarsinnaajunnaartut
Ungarnimi ministeriunerup, Viktor Orbanip partiia naalakkersuisuutitaqartoq, talerperliuniat partiiat Fidesz inatsisissatut siunnersuutip taasissutigineqarnissaanut amerlanerussuteqarnissamut naammappoq.
Ingerlatseqatigiiffiit taakkununnga ilaalluni, Coca-Cola nittarsaassillutik isumaqatissarsiorput, Ungarnimi suiaaqatiminik ilaqartartunik tapersersuinertik pillugu.
Tamannali siunissami inerteqqutaalissaaq, aamma atuakkat suiaaqatinik ilaqartarneq pillugu pissanganarsakkat inerteqqutaalissapput.
Ungarnimi naalakkersuisut oqarnerat naapertorlugu, inatsisissatut siunnersuutip siunertaraa, meeqqanut kanngunartuliortarneq akiorniarneqarmat, ungarnemilu ilaqutariit meeqqallu illersorniarneqarmata.