Ungarnimi tusagassiuutinut inatsit isornartorsiorneqarpoq

Danmarkimi nunanut allanut ministeri, Lene Espersen aamma isornartorsiuisunut ilannguppoq. Ungarnip EU-mi siulittaasoqarfik tigoqqammerpaa.

- Kikkut tamat oqartussaaqataanerat, kikkunnut tamanut atuutsinneqartussaavoq aamma EU-mi nunap siulittaasuuffianit, tassami demokratii tunaartaralugu EU aqunneqartussaavoq, Lene Espersen oqarpoq nangillunilu:

- Qanoq isummersinnaaneq killilersorneqanngitsoq, EU-mi atuutsinneqartussaavoq pingaartinneqarlunilu, taamaattumik ajuusaarnarpoq OSCE, tassa EU-mi sillimaniarneq aamma suleqatigiinneq pillugit kattuffik, Ungarnimi tusagassiuutinut inatsimmut nutaamut allatut ajornartumik isornartorsiuisinnaammat, Lene Espersen naqissusiivoq.

EU-p tunngaviusumik pingaartitaannut tulluutinngitsumik Ungarnip iliuuseqarnera Lene Espersenip ilungersunartutut isigaa.