Unammersuarnerit unnuamut allaat
Inuusuttuaqqat U18-nik taaneqartartut, assammik arsaannermi nunatsinni pissartanngorniunnerat ippassaq Nuummi naammassineqarpoq. GIF-ip nittartagaa taama allaaserisaqarpoq. Nukappissani niviarsissanilu Nuummeersut GSS pissartanngorput. Nukappissat GSS Aqissiamut, Maniitsumeersunut, unamminerat pissaganarluinnarpoq, taakku unammineranni 35-32 inerneruvoq. Niviarsissat GSS SAK-mut, Sisimiuneersunut, uanmmipput, taakku unammigamik inerneraat 29-19 GSS-imut.
Niviarsissani bronzenattuupput N-48 Ilulissaneersut, nukappissani Sisimiuneersut SAK bronzennattuullutik.
Nerrivimmi arsaarannermi pissartanngorniutivinneq Sisimiuni ippassaq pivoq.
Meeqqat, juniorinik taaneqartartut iligiiaarlutik unammineranni BAT 98 pissartanngorput, Nanortalimmeersut aamma NAPA 86 tulliuttuullutik. Meeqqani angajullerni NNAP-meersut ajugaapput, Nanortalimmiut QNAP-meersullu tulleralugit.
Inersimasut iligiiaarlutik pissartanngorniunneranni ajugaapput BAT 98, NNAP normu 2-nngorlutik NAPA 86 3-gortoralugit. Old-boy-sit ajugaaniutivinneranni ajugaapput BAT98 Nanortalimmiut normu 2-ggorlutik NAPA 86 normu 3.ggorlutik.
- Nunatsinni pissartanngorniunneq ulluni sisamani ingerlanneqarsimalereerpoq, unamminerit ullormut 8 time-nik sivisutigisarlutik. Unamminerit ulluisa sisamaanni unammersuarnerit 17 timer atorlugit ingerlanneqarput - unammineq kingulleq aatsaat unnuaq pingasut qaangerlugit tanneq ataaseq naammassineqarluni, GIF-mi Generalsekretær Claus Nielsen oqarpoq.
Tamatumunnga pissutaavoq, nunaqarfimmiut Atammimmeersut NAPA 86, tassuugu qulinut aallarnissaat pillugu, tassami Atammimmeersut arlallit ajugaaniutivinnernut anngummata, aallartinnagillu unamminissaat anguniarneqarmat.