Una ufo-sinnaanerluni?
Ilaqutariit Reimer-Ostermannikkut ukiutoqqami nalunaaqutaq 20.50-ip missaani tupaallaatigisaminnik takusaqarput. Silaannami qaamasoq takuaat minutsinni arlalinni malinnaaffigisartik.
- Nunamiit qummut 300 meterit missaanni portussusilimmiippoq. Soorlu ulamertoq affaq sakkukitsumik qaamassusilik. Nipaqarani silaannakkut ingerlavoq, Arne Reimer mobiliminik assiliisimasoq oqarpoq.
Taassumali oqaatigisinnaannginnerarpaa takusani sunaanersoq taamaallaat ufomut eqqaanartutut oqaatigisinnaallugu. Immikkut ilisimasallip ilimaginngivippaa ullorissap anarisinnaanera.
- Taannaasinnaanngilaq takunnittup minutsinni arlalinni malittarisinnaasimammagu. Ullorissap anaa sekundini arlaqanngitsuinnarni takuneqarsinnaasarpoq, Statens Naturhistoriske Museumimi pisortaq Henning Haack, ukiorpassuarni ullorissat anaannik sammisaqarsimasoq oqarpoq.
Takusarli immikkorluinnaq ittuusimavoq.
- Uningajattutut issinnarluni qaamanera sakkukillingaatsiariarluni sukkasuumik qummut kujammut aallarpoq ersingunnaarlunilu, Arne Reimer oqaluttuarpoq.