Umimmaap neqaa nersualaarpaat

Spaniami baskerit nunaani illoqarfimmi, San Sebastian-imi, nunatta nerisassaataanik usassaarisoqarluni nerisassiortoqarmat, umimmaap neqaa nersussuup neqaanut Kobe-mut, nunarsuaq tamakkerlugu pitsaanerpaajullunilu akisunerpaajusumut, baskerit aviisinit nalilerneqarluni sanilliunneqasimavoq.

Artctic Green Food neqinik aalisakkanillu EU-mit akuerisaaallutik baskerinut avammut tunisisinnaatitaalersimasoq sinnerlugu, igasut marluk Nuummeersut Rune Collin aamma Gitte Nestel peqataapput.

Ussassaaraluni baskerit neriumasartagaannut Tapas-imut akugineqarsimapput qalerallit, aalisakkat tarajortikkat, saarulliit umiimmaallu neqaa kiisalu Maniitsoq Seafood-ip tunisassiai assagiarsuit nerpii, baskerinit narrutuunit mamarineqaqalutik.

- Umimmaat neqaanik Baskerit pisiassaminik siullernik inniminneereerput, taama allappoq Tønnes Berthelsen. Arctic Green Food-ip pisortaa.

Ussassaarineq sapaatip akunnerata tulliani ingerlanneqarpat, danskit igasuisa landshold-ii nunatta pissarititai atorlugit igallutik takutitsissapput.