Umiatsiaq Ilulissani ikuallattoq
NUTARTIGAQ:
Umiatsiaq Ilulissat umiarsualiviani ualimut ikuallammat inuk ataaseq annikitsumik uutiterpoq allalu annikitsumik ajoquserluni.
Allattoq Jaaku Lyberth
juunip 12-at 2010 12:28
Umiatsiaq ikuallammat kalillugu umiarsualivimmukaanneqarpoq, tassani qatserisartunit ikuallattoq qaminneqarluni.
Umiatsiap ikuallannerani inuit marluk issimasuupput. Aappaa annikitsumik uutiterpoq, napparsimavimmilu passunneqarluni, aappaa annikitsuinnarmik ajoquserpoq, kingornalu napparsimavimmit angerlarluni.
Umiatsiaaraq Ilulissat umiarsualiviata avataani ingerlaartilluni, ajutoortoqarneratigut ikuallalersimavoq.
Umiatsiap ikuallannera Ilulissani innutaasut amerlasuut takusinnaasimavaat, inuppassuillu umiarsualivimmut ussassimasut Ilulissani politiit nalunaarput.
Ikuallattoq qaminneqareerpoq. Umiatsiaaqqap qanoq ikuallalersimanera politiinit suli misissuiffigineqarpoq.
