Umiatsianut orsussap ipinartuanut uuttuuteqalernissaq kajumissaarutigaat
Angallat inuinnarnit piginneqartoq, aammalu angallammik motoorilimmik allamik kalitaqartoq, Nuup Kangerluani siorna angalaartillugu inuit tallimat issimasut kuliltimik najuussuisimallutik toqunartumik iijoraasimammata, Imarsiornermut Qullersaqarfik taama kajumissaaruteqarpoq. Issimasut tamarmik ajorsivimmata VHF atorlugu ikiortissarsiortoqarpoq, annaassiniarnerlu aallartilluni. Taakku tamarmik toqunartumik najuussuisimapput, napparsimmavimmukaanneqartariaqarsimallutillu.
Angallammi issimasut toqunartumik najuussuisimanerannut pissutaavoq, angallat anori pissutigalugu sukkaatsunnguamik ingerlaarsimammat. Kulilti angallatip iluanut isaasimavoq, issimasullu tamarmik angallatip initaaniissimapput, maligingisaminnillu iijoraasimallutik.
Kulilte ersinngitsuuvoq, tipeqarani, kisiannili gassiuvoq toqunarluinnartoq. Taannalu motoorini benzinatortuni malunniunnerusarpoq, motoorini dieselitortuni malunniuppallaassanani.
