Umiatsiaaqqamik aallarussisut perlasingajattut
Inuusuttuaqqat umiarsualivimmit anillaallutillu anorliliussaapput, anori sekundimut meterinik 20-nik sukkaseqaleruttortoq. Umiatsiaaraat qeqertamut illoqarfimmit kilometerimik ataatsimik ungasissusilimmiittumut tippussaavoq. Qujanartumilli Nanortalimmi qinngusersaartoqarsimagallartillugu inuusuttuaqqat taakkua nalunaaquttap akunnera ataaseq qeqertameereersullu takuneqarput.
Nanortalimmi politiit piniartunik ikiortilerlutik nukappiaqqat angallammik aavaat, qiiaqisullu angerlamut oqqunneqarlutik.
Nukappiaqqat umiatsiaaqqamik aallarussinertik pillugu akiliisinneqassanngillat piniartumilli oqqunneqarnertik tusind koruuninik akilissagaat, Nanortalimmi politiit pisortaat Niels Nyvang Nielsen oqaluttuarpoq.