Umiartortut inooriaasit pitsanngorsarniarneqarpoq

Misissuinermi paasiniarneqarpoq umiartortut angalanerminni peqqinnartumik inuunerat pitsaanerpaatinneqarsinnaanersoq. Soorlu aamma nunami taamaaliortoqartartoq, taamaattumik Royal Arctic Line A/S-imi pisortat aalajangersimapput misissuinermi umiartortutik peqataassasut.

Royal Arctic Line A/S-mi ataqatigiissaarisoq Niels Heegaard misissuisimaneq pillugu ima oqarpoq:

- Umiartortut peqqissusaat misissuiffineqarput, soorlu qanoq qasujaatsiginersut aammalu qanoq pualatiginersut inooriaatsimut peqqinnartumut naleqqiullugu, Niels Heegaard oqarpoq.

Umiartortut missuinermi peqataasut nammineq kajumissutsimik peqataapput, umiartortullu 50 procentillu misissuinermut peqataaniarlutik akuersaarsimapput.

Pujartartarneq aamma paasiniarneqarsimavoq qanorlu pujortarunnaartoqarsinnaaneranik pikkorissaasoqarsimalluni:

- Kisiani pujortarunnaarsitsiniarneq umiartortunut ajornakusoorsimasoq paasivarput. Tamanna immini taamaattussaannartut oqaatigineqarsinnaagunarpoq, tassami piffissap affaa umiartortut angalasarmata. Naammassiniarnera ajornakusoorsimavoq amerlanngitsunnguit kisimik nalunaarsimapput, naak neqeroortoqarsimagaluartoq, Niels Heegaard oqarpoq.

Taassuma qularutiginngilaa umiartortut peqqissumik inooriaasillit nuannaartullu pissarsiffiginerusinnaallugit.

Hovmesterit peqqinnartunik nerisassiornermut aamma pikkorissartinneqarsimapput.