Umiarsuit tunitsiviit ernumalersitsipput

Ilulissat aamma Upernaviup eqqaani, umiarsuarmik qaleralinnik 1.700 tonsinik tunitsivigineqarsinnaasunik Naalakkersuisut tunitsiviliiniarlutik aalajangiinerat, SIK-mit sakkortuumik akerlerineqarpoq.
Allattoq Elisa Isaksen
apriilip 04-at 2009 17:58

SIK-p Qaqortumi ataatsimeersuarneranit taama oqaaseqaateqartoqarpoq, matumani aalajangiineq naammagineqanngeqaluni.

Tamatuma nunami sulisunut ajornartorsiortitsinissaa ernummatigineqarpoq, minnerunngitsumik Qasigiannguanut aamma Upernavimmut tunngatillugu, taakkunanimi illoqarfimmi ataatsimi sulisut qulit aamma 15-it akornanniittut eqqugaasussaammata.

Tamatumunnga peqatigitillugu SIK-mit nassuerutigineqarpoq, Aalisarneq pillugu isumalioqatigiissitap tulaassisussaatitaanerup siunissami atorunnaarsinneqarnissaanik innersuussutaanut atsioqataasimagamik.

Taamaattorli SIK Qaqortumi ataatsimeersuarnermini aalajangiivoq, erseqqissarlugu tulaassisussaatitaaneq atorunnaarsikkiartuaarneqalissasoq, aatsaat sumiiffinni pineqartuni suliffinnik nutaanik pilersitsisoqareerpat, tassa aatsitassarsiornikkut imaluunniit inuussutissarsiutitigut allatigut.

Tamatumunnga peqatigitillugu, umiarsuarnik tunitsiveqartitsisarneq nutaamik nalilersorneqaqqullugu SIK-mit piumasarineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq